الاستضافة في المدارس ماهي الاستضافة ومن هم المشمولين فيها للعام الدراسي 2016-2017

راح اوضحها شنو الاستظافه ؟ومنو يستحقها ؟ وشلون نسويها ؟ 
الاستظافه هي التحول من الدراسه المسائيه الى الصباحيه 🚫 انتبه : احجي ع استظافة الاعداديه مو الجامعات العام والقبله جان اكو استظافه اي طالب بعد عمره ميسمح يداوم بالصباحي يحولوه #مسائي لكن بكتاب استظافه يرجع يداوم بنفس مدرسته الصباحيه ويداوم صباحي
#لكن 🤗 هالسنه ما أنطوا قرار استظافه .. وراح تشمل فقط طلاب 👇

#الاقضيه_والنواحي .. يعني الساكن بقضاء او ناحية وحولوه مسائي يكدر يرجع يداول صباحي بكتاب استظافه ....
بعد منو يستحقها 🤔 ؟
يستحقها الي نظره ضعيف شرط كون عنده تقرير طبي كامل بأنه عنده (عشو ليلي)
زين شتحتاج الاستظافه ؟ 
تحتاج 
1⃣ موافقة مدير المدرسه الصباحيه بأنه يقبلك اذا قبلك 👇
2⃣ تروح للتربيه قسم شؤون الطلبه تنطيهم التقرير ..اما اذا جنت طالب قضاء أو ناحية بدون تقرير كبل تقدم طلب
3⃣ تجيب الكتاب لابو الصباحي بأنه يابه نفذ الامر وخل اداوم بمدرستك بعد هو مجبر ينفذه لان جايه كتاب من التربية ينطيك ورقه تروح تجيب فايلك وشغلاتك من المسائي وتداوم بالصباحي 

🔴 سؤال / اذا سويت استظافه وصارت هل يوجد بعد شي يربطني بالمسائي ؟ 🤔
الجواب / نعم ( البصمه فقط ) قبل امتحانات الوزاري تروح تبصم بمدرستك المسائية بس شغلة دقيقتين ..اما امتحانك هو كولهه تمتحن الصبح بعد 

المصدر : رحلة التفوق في السادس

شارك هذا المقال