شرح عن نظام الانتساب ومن هم المشمولين فيه وكيف يمكن ذلك للعام الدراسي 2016 / 2017

شنو الانتساب ؟ 🤔 شوف 👁👁
الانتساب تقريبا ابن عم الخارجي .. يعني بس تمتحن نصف السنه بس واذا نجحت ب 5 مواد من اصل 7 ودخلت وزاري تجي تمتحن اخر السنه .. يعني هم متداوم .. زين هذا الانتساب اي احد يسويه ؟ 
شوف حسب قرار الوزاره شوفوا التفرقه ع اساس ربهم وحد ليش هو الدكتور والضابط ابوه يداوم ؟ ميداوم يكضيها خصوصي وونسه .. بس شنسوي المشتكى لله حسب ما جاء في كتاب وزارة التربيه الي يشمله الانتساب وهو مخير يسويه أو لا 
1⃣ ابناء اساتذة الجامعات
2⃣ ابناء الاطباء
3⃣ ابناء ضباط الجيش والشرطه والامن القومي
4⃣ ابناء مدراء المصارف 
5⃣ أبناء طلبة البعثات الخارجيه 

6⃣ حالات اخرى 😫

هسه اول 5 فهمناهن بس #السادسه شنو حالات اخرى ؟ شوف هاي تعني الامراض ( العشو الليلي - العجز الكلوي - الانزلاق ..... الخ ) المهم بيك مرض يمنعك عن الاستمرار بالدوام 
اوضحها بعد 🤒 شوف اذا عندك دكتور منا منا يسويلك تقرير طبي بأنه انته بيك عجز ومتكدر تداوم بس كون كامل بيه تحاليل واشعات ويسويك مكسر #الا_طحين 😁 
توديه للتربيه تكولهم اني مريض 😢 وهذا تقريري همه يعرفوه جذب بس مابيدهم حيله عندك تقرير يجيبوك منا يردوك منا لمن تنغسل وتنشر وتنصبغ ويسوولكياه 🤒 وروح كوكه 🤒 وخلص

المصدر : رحلة التفوق في السادس

شارك هذا المقال