ماذا بعد القبولات ؟ كيفية التسجيل في الجامعات معلومات هامة يجب ان تعرفها
أكتوبر 28, 2016
اضافة تعليق
حبايبي اليوم الموضوع يخص التسجيل بالجامعات يعني من يطلع القبول راح اكلك شتسوي خطوة بخطوة للافادة واخواتكم الي يداومون جامعة هم يضيفون الكم معلومات..!
#اولاً من يطلع القبول شتسوي.؟ تروح كبل لمدرستك تاخذ شهادة التخرج ويسألك شطلع قبولك حتى يعنونهه الك يكتبون بيها كذا جامعة كذا كلية انوب تاخذهه بوجهك تروح لمديرية التربية تصدقهه يختمون عليهه وكذا وطبعا اكو مدارس ينطوهه الك مصدقه كامله..زين
#ثانياً تروح للمكتبه تاخذ استمارة فحص طبي ب ٥٠٠دينار مو عبالك غاليه تكله اريد استماره فحص طبي مال جامعة المهم تاخذهه من المكتبه وتروح للعيادة مالتكم الي مرتبطة بمدرستك وهناك يقطوك ب25الف بالعياده عود يفحصونك وكذا كله كلاوات بــ̷̴ س كلهم للجامعه يترسونها تواقيع وكذا
#ثالثاً تروح للمجلس البلدي تاخذ تأييد تعنونه للجامعه هذا للمنحه واكو بيهم يسوونه بعد الدوام..انته ذني سويهن ب اول يوم وارتاح
هسه هاي كلهه الدوخه 👆 بيوم واحد تكملهه وبعدك مارايح للجامعة
#رابعاً تروح للجامعة وعندك شهادة تخرج السادس وفحص طبي وتأييد مجلس بلدي تدخل للعميد علمود التسجيل يكلك جيب التسلسل مالك طبعا تلكه قوائم بيها اسامي ويم الاسم رقم تنطي اله علمود التسجيل انوب تاخذ استمارة مال تقديم كل جامعة والهه سعر بــ̷̴ س اغلبية الجامعات ب25الف تاخذ الاستمارة وتسوي انسيابيه تقدم بيها عالاقسام
وراح ينطونك وصل حتى تكدر تدخل بي للجامعه براحتك بينما فترة تقريبا اسبوع او اقل ويطلع القبول مال الاقسام وانوب تداوم وفترة من الدوام ويسوولك باج بمكان الوصل
0 رد على "ماذا بعد القبولات ؟ كيفية التسجيل في الجامعات معلومات هامة يجب ان تعرفها "
إرسال تعليق