تعلم طريقة دراسة مادة الرياضيات التي اصبحت تشكل عقدة لدى أغلب الطلبة !

اكثر الطلاب يعانون من الرياضيات 😱

نجي نحلها 😉

الرياضيات مادة سهلة اذا فهمتة راح تعشق شي اسمة رياضيات 😍😍اذا كدرت تفتهم شنو السالفة

افضل طريقة حتة تفتهم الرياضيات

اول شي من يشرح الاستاذ كل تركيزك يمة😳 اي فكرة تجي ببالك تاجلها ورة الدرس

صديقك اذا يحجي ويسأل هواي 😒غير مكانك بدرس الرياضيات لان يحتاج تركز بس تفقد تركيزك او يقاطع تركيزك احد راح تضيع😱

انتبهت على الاستاذ تقريبا فهمت 🙊

بس مو هواي

من ترجع للبيت لازم وضروري تراجع الي شرحة الاستاذ اعتبرهة حالهة حال احد وجبات الاكل😁

تدري هاي الخمس او العشر دقائق الي راح ترجع ببها شكدر راح تفيدك متتصور تنقلك من حال الى حال😍😍

بحيث الشهري تضبطة وتفتهم المادة ضعف فهمك على شرح الاستاذ

#االشغلة_الثاني دراستك الامتحان الشهري مستحيل تقرة شفهي شكد متكون ضابط المادة لتقرة شفهي لان بس تبدي تحل تمارين وامثلة بالورقة راح توكف بمكان معين 😱

وراح تكدر تعرف وين انت عندك خلل

اما اذا شفهي متعرف وين توكف بالحل 😢

والدراسة بالورقة علميا افضل من الشفهي بهواي 😉

يعني #باختصار الشفهي حطة للدراسة اليومية لان الوقت يكون ضيق

والدراسة بالورقة للشهري حتة تضبط المادة

المشكلة اذا شرح الاستاذ ميفهم هنا الكارثة شلون نحلها 😱😱اني اكولك

اليوتيوب اكو شرح للاستاذ قصي هاشم يعني لو تجيب حجارة وتسمعها الشرح صدك الحجارة راح تدمع😢 على كد ما شرحة حلو ويفهم

حتلو استاذك يفهم بس مو كلش هم افتح يوتيوب وشوف زيادة فائدة

متريد يوتيوب قناتنا مال رياضيات هم شرح مفصل وامتحانات بيها حتة تشوف نفسك ضابط المادة لو تحتاج بعد دراسة

اما اذا الاستاذ يشرح وشغلة ضمن شرحة مفهمتها لتضل ساكت 🙊 احجي استاذ عيد مفهمت وابد لتستحي وظيفة الاستاذ وكل تعبة هذا علمود يفهمك 😍

اجة سؤال ببالك عن الموضوع اسأل حتلو تشوفة سؤال تافه عادي اهم شي تعرف الجواب ترة ابد ماكو سؤال تافه كل الاسئلة الها قيمة

وابد لتستحي اذا شي بسيط وطلاب الشعبة كلهم فاهمي وانت مافاهمة 😭اسأل عنة اهم شي انت تفهم ☺

ودائما اسأل الطلاب الزينين بالرياضيات اذا عندك مشكلة بفد موضوع

اكيد راح تكول كل سجاج متكبرر 😂والله وياك ادري بيهم مزعجين ومينطون معلومة طبعا مو الكل 😎

انت لتروح اذا شفت عيج طالب اكو طلاب تشوفهم مو كلش ببقاي المواد بس #متميز بالرياضيات ديربالك تقلل من قيمة هذا الشخص روح اسألة عن اي شي مافاهمة هدا النوع جدا نادر وكلش متعاون

اسأل الشخص الي يحب يساعد وانت هم كون واحد من الاشخاص الي يساعدون اذا زميلك مفاهم شي اشرحلة كلش حلو الواحد من يساعد الاخرين🙊

واخيراً دائما سوي #ملخص خاص الك قونين التكامل او التفاضل او قيمة الزوايا و غيرهن رتبهن باقلام جاف ملونة وبشكل حلو ومرتب جدا راح يفيدنك ويوفرن وقت هووووواي

المصدر : برنامج رحلتي في السادس